O Montaxes Carballo Xiria disputaba o primeiro partido da fase de clasificación, primeiro partido oficial da tempada para os de carballo.

Montaxes Carballo Xiria 37 – Asmubal Meaño 26

O partido comezaba amosando os dous equipos fraxilidade defensiva. O equipo carballés iniciaba o partido con diversos erros na zona central da defensa, e con pouca axudas nestas accións. No que respeta ao ataque sí que conseguía chegar a lanzamentos con claridade pero a finalización estaba a ser pouco eficaz (con gran acerto do porteiro rival), o cal foi a tónica dos primeiros 30 minutos. Co paso dos minutos o equipo carballés foi axustando a defensa e así pouco a pouco conseguía poñer as primeiras diferenzas no marcador, con todo seguía a errar moitos lanzamentos de cara a portería. O ritmo rápido e a superioridade en ataque facía que se fose ao descanso 16-11 no marcador.

Na segunda metade, con varias defensas positivas e rápidas contras o Montaxes conseguía romper o partido, crecendo a partir de ese momento pouco a pouco a distancia no marcador. A pesar da entrega do de Meaño o Xiria non deixaba marxe a reaccións e conseguía levar os primeiros dous puntos da tempada.