Pablo Filgueira Carballo incorpórase ao corpo técnico das Escolas de Balonmán Xiria. Dirixirá ao equipo cadete de Segunda División, Procasa Xiria, a un dos 3 equipos alevíns, o Lista Granit Xiria, e traballará nas escolas deportivas do CEIP A Cristina.
O técnico pontevedrés, de 26 anos, está licenciado en Ciencias da Actividade Física e do Deporte (INEF) pola Universidade de Vigo. Pablo Filgueira formouse como xogador de balonmán na canteira do Cisne, no seu último ano de xuvenil xogou na SD Teucro, chegando a debutar en Asobal, para logo pasar por varios equipos de 1ª Estatal como SAR e Chapela. Unha vez rematados os seus estudos foise a xogar fora da comunidade militando nos clubs Bm Moguer Huelva, C.B. Vinarós e Bm Puertollano. A pasada campaña xogou no Bm Lugo de 1ª Autonómica. Nestes catro últimos clubs compaxinou a súa labor como xogador coa de adestrador nas categorías de base, traballando tamén nalgúns destes destinos para a Federación/Delegación de Balonmán correspondente.