1ª Estatal
Vibrante xornada a que se vivirá este sábado en Carballo ás 20:00. O Calvo Xiria, recibe ao Disiclín Balonmán Lalín; líder da categoría. Probablemente é o partido máis difícil do ano. Un Lalín, con máis experiencia e que vén de competir nunha liga superior; ante un Calvo Xiria que medirá o seu crecemento nesta parte da tempada. O apoio da afección será moi importante. O Calvo Xiria terá que ser máis regular e manter o ritmo competitivo que lle esixirá Lalín, durante o encontro. Son dous dos equipos que menos goles encaixan; polo que a efectividade cara gol pode ser determinante. Os dous equipos presentan algunhas dúbidas con respecto aos 16 xogadores convocados, nun choque onde todos queren estar presentes. Veremos o sábado cales son da partida tanto para Pablo Cacheda como para Adrián Dubra.
1ª Autonómica Feminina
Pero primeiro ás 17:45; o Vila de Noia ten outra importante cita onde o Calvo Xiria xógase a segunda posición diante o De Pueblo Carnicería Bm Pabellón. A tal hora; ambos conxuntos comparten posición na táboa empatados a 12 puntos. Este partido marca o inicio da segunda volta nesta primeira fase ligueira. O equipo que consiga a vitoria daría un gran paso cara diante; aínda que non sería definitivo; xa que aínda restan 8 xornadas.
Categorías Base; Liga Ouro
O Laber Xiria A ten un complicado compromiso na súa visita ao Gatañal; contra o Luceros; un dos galos da categoría. O equipo está en fase ascendente en canto a xogo e tratará de competir axustando as perdas de balón para enfrontar o partido, o sábado á 13:00. O Hierros Varela Urbieta Xiria quere esquecer a derrota do último compromiso á conta do SAR Rodavigo, o sábado ás 12:15 no Vila de Noia. O Punta del Este Xiria A tamén se enfronta a SAR, ás 12:45 no Ceip Fogar; aínda que o compromiso será de maior dificultade dado que as visitantes son unha das líderes actuais. Grupo Lemaco Xiria A e Garaysa Xiria, reciben en Carballo ao Bm Lalín en estado de graza; xa que encabezan as clasificións neste momento da tempada. Os partidos dispútanse ás 10:15 e ás 11:30 respectivamente.
Categorías Base; Liga Prata
O Laber Xiria B xoga o domingo ás 11:00 no Ceip Fogar contra o UB Lavadores Vigo. Cos dous puntos en xogo os de Carballo buscan levantarse á cuarta praza. Mentres o sábado ás 16:00 no Ceip Fogar o Grupo Lemaco Xiria B recibe ao Bm Culleredo Climanosa. Quere seguir mantendo o primeiro posto no penúltimo partido antes de Nadal.
Categorías Base; Alevíns e benxamíns
En alevín 7,Reneymar Xiria, xogará contra Liceo La Paz a domicilio. O Carpintería Gómez Xiria, recibe o Bm Culleredo Enerxíasolar. E o Laber Xiria dobra xornada; o sábado xoga contra Bm Culleredo Galkimia e o domingo contra Colegio Liceo La Paz.
O balonmán 5 esta semana concéntrase en Culleredo; o sábado en Tarrío pola mañá. Xogarán as alevíns de Reneymar Xiria e Insplaber Xiria e en categoría benxamín mixto, Maquisaba Xiria B e Óptica Auris Xiria.
Por último, o domingo pola mañan tamén en Tarrío os máis pequenos xogarán un torneo amigable. Xs prebenxamíns, Laber Xiria, e xs biberóns, MP Distribuciones Xiria, terán este domingo os seus primeiros partidos da tempada .
Que non cho conten!!! Ven ao balonmán!!!