Meritorio empate do Gestagua Xiria fronte o Línea 21

Bonito encontro o vivido no pabellón de Novo Mesoiro este pasado fin de semana entre o Línea 21 e o Gestagua Xiria.

Saían as rapazas do Xiria no primeiro cuarto dispostas a mellorar o xogo e as sensacións que nos deixara o partido fronte ao Ourense e así foi. Moi activas na defensa 3:3 e coa colaboración de Lorena en portería, o Gestagua conseguía recuperar balóns e aproveitalos en ataque, mediante o xogo de pase y va coa pivote, que o equipo coruñés non daba freado. Remataban así os primeiros 10 minutos con un marcador de 2-4 favorable as carballesas.

No segundo e no terceiro cuarto o guión do encontro mudou por completo. Os coruñeses pasaron a dominar o partido, máis agresivos en defensa e aproveitando as acción de contragolpe ante a pasividade no repliegue do equipo carballés.

Chegábase ó derradeiro cuarto co marcador favorable para os locais, e ante esta situación as alevíns do Gestagua volveron sacar a súa garra na pista, defendendo e pelexando todos os balóns e con boas accións en ataque das nosas extremos, superando no 1×1 os seus opoñentes, o que nos permitía facernos co último cuarto e finalizar o encontro con un meritorio empate. 

Línea 21: Daniel Domínguez, Hugo Aneiros, Brais Garrido, Uxío García, Nuno García, Miguel Álvarez, Miguel Mariño, Miguel Montesino, Candela García e Manuel Caamaño.

Gestagua Xiria: Elena Rodríguez, Lucía Castiñeiras, Ana Antelo, Natalia Varela, Lorena Ngnipa, Lucía Ngnipa, Noa Porteiro, Paula Abelenda, Mara Vidal, Xulia Suárez, Sofía Rey e Mencía Rodríguez.