Ir ao contido
BalonmánXiriaFaite socio

Alevín masculino

Nova vitoria do Xiria alevín A en Culleredo

Na xélida mañá do pasado Sábado, o Xiria A de categoría alevín desprazábase á localidade coruñesa de Culleredo para enfrontarse ao BM. Culleredo DPXTS Rayman. Non foi o mellor encontro…

Na xélida mañá do pasado Sábado, o Xiria A de categoría alevín desprazábase á localidade coruñesa de Culleredo para enfrontarse ao BM. Culleredo DPXTS Rayman. Non foi o mellor encontro dos de Carballo e mesmo os locais mostráronse superiores nos tres últimos cuartos, anticipándose aos pases dos bergantiñáns e interceptando múltiples balóns. Os xogadores do Xiria liquidaron con facilidade o primeiro tempo grazas á conexión da primeira liña co pivote, que se mostraba moi movil e dinámico nas súas accións, pero nos tres tempos restantes, acusaron a marcaxe asfixiante dos locais e a falta de mobilidade e de xogo sen balón por parte dos xogadores, dificultaba enormemente a chegada á portería contraria. Sufriría e de que maneira o conxunto de Carballo para conseguir gañar os catro tempos en xogo e mesmo no último cuarto, o gol da vitoria conseguiríao Erik cun lanzamento de golpe franco co tempo a cero. Vitoria por tanto importante para manterse nos postos de privilexio da clasificación, pero moito que traballar en canto ao desmarque e o movemento sen balón para futuros compromisos.

BM. Culleredo DPXTS Rayman – Xiria A: 0 – 8

1º TEMPO: 2 – 6

2º TEMPO: 3 – 4

3º TEMPO: 2 – 4

4º TEMPO: 4 – 5

Polo Xiria alevín A, xogaron: Miguel Cambón, Miguel Pérez, Erik Vázquez (9), Manuel García, Manuel múñoz (2), Manuel Rey, Pedro Porteiro (2), Alex Tato, Oscar Tasende (1), Samuel Veiga (2), Angel Viña (3).

Máis sobre isto