No encontro de onte as nosas xuvenís foron superedas 31-24 por Sar Rodavigo que adianta as carballesas na clasificación.

No carismático pavillón da Bombonera, as nosas non se atoparon cómodas un ningún momento do encontro. As locais eran moi fiables no ataque posicional e o Xiria sempre foi contra remolque chegando ó descanso 18-15.

Se na primeira parte os ataques superaron ás defensas, os dous técnicos optaron por cambiar o sistema defensivo na segunda metade e a tónica do encontro mudou. A intensidade defensiva ía a máis co paso dos minutos e a boa actuación da porteira local impedía as nosas achegarse no marcador.  A SAR controlou á perfección os tempos do partido e levou os dous puntos cun marcador final 31-24.

Esta próxima semana o HVU Xiria recibe ó  UB Lavadores Vigo, colista da liga ouro, pero que seguro que porlle difícil as cousas as nosas.