Xornada 1 desta fase intermedia na segunda autonómica feminina. O Goldie que viaxaba ata Tui, unicamente coa baixa de Sara en portería, viuse sorprendido por un Balonmán Tui que realizou un bo encontro para levar os dous puntos.
O encontro mantivo a igualdade ata mediada a primeira parte, onde a falta de acerto para portería do Goldie, incluídos dous 7 metros, permitía ás locais adquirir unha renda de 6 goles. Unha vez axustadas en ataque as do Goldie conseguiron irse ao descanso 14 a 10 en contra.
Na continuación; intercambio de goles xa que as defensas non conseguían frear os ataques; ata que as carballesas, sufriron ata dúas descalificacións e 4 exclusións; onde o colexiado mediu de distinta maneira aos dous equipos. O conxunto de Tui, aproveitou este factor para adquirir unha renda que ao cabo sería insalvable; impedindo ao Goldie Xiria facerse cun resultado positivo.