Ribadosar Amancio Deportes 29 – Hierros Varela Urbieta Xiria 30

Visitara nesta tempada o Hierros Varela Urbieta por dúas ocasións a pista santiaguesa do Ribadosar, na Liga regular e na Fase polo título, e as dúas veces virase superado.

Saíron metidos e concentrados os xogadores do Hierros Varela Urbieta ao partido, coñecedores do rival que tiñan en fronte e da labor que lles agardaba os 60 minutos. Intensidade defensiva e traslado de balón con fixacións para poder truncar a defensa do Ribadosar, pronto dispuxo de boa renda no marcador que se foi minorando cara o descanso.

Máis imprecisións na segunda metade, unido a intensidade dos santiagueses, fixeron que o encontro se igualase no tramo final do mesmo, onde o Ribadosar incluso mandou no marcador cun momentáneo 28 a 27, pero os xogadores do Xiria xogaron acertadamente as súas bazas e fixéronse coa vitoria nos derradeiros instantes do partido .

A vindeira semana, o equipo volta a desprazarse, será a localidade de Culleredo.

Ribadosar Amancio Deportes 29 (13): Mateo Mejuto (porteiro), Xoaquín Tarrio 5, Felipe Ninni 11, Bruno Montes 5, Gonzalo Guerra 5, Ricardo Franco, Sergio Ferro 1 e Jorge Tourón 2

Hierros Varela Urbieta Xiria 30  (17): Julio Ferreiro (porteiro) Diego Rodríguez 6, Carlos Varela 6, Javi Rodríguez, Manuel Rama, Fernando Mallo 5, Pablo Esmorís , Aaron Rodríguez 3, Iván Hernández, Franco Rial 5 e Toni Calvelo 5.

 

Arbitrou: Pedro Bermúdez, sen complicacións