DURÁN BARCIA BM CAÑIZA 25 – 16 NORDATA XIRIA

Primeiro partido da Copa Federación do Grupo 2 Sur. Comezaba o encontro na Cañiza con moitas dúbidas por parte de ambos equipos, pero cunha maior intensidade defensiva das locais que apagaba os ataques das do Nordata. Aínda así, atacando contra defensa moi presionante, as de Carballo souberon reaccionar ao longo da primeira parte, chegando ao descanso cun 12-11 no marcador a favor do Bm. Cañiza.

Nada tería que ver a primeira metade de loita incansable, á que o Nordata nos ten acostumado, cunha segunda parte de catástrofes. A medida que ían pasando os minutos a distancia no marcador aumentaba e os ánimos das verdinegras caían en picado, durante os últimos 25 minutos non foron quen de mostrar a súa verdadeira cara e a garra que as caracteriza. Chegaban ao final cunha derrota no primeiro partido da Copa Federación.

Nordata Xiria: Ana Velo, Natalia Varela (4), Lucía Castiñeiras (3), Aroa Lista (2), Mara Vidal (2), Sara Pallas (1), Zaira Longueira (1), Inés Cabeza, África Gómez (1), Eva Vidal (2).