1ª Nacional masculina:

O Calvo Xiria, inicia a pelexa polo título de liga; o domingo 4 de outubro, ás 12:30 no pavillón das Travesas de Vigo; ante un renovado Forbe Reconquista de Vigo; que a priori pelexará pola permanencia.

As dúbidas sobre a disputa da totalidade da competición, nas condicións sanitarias actuais, fai que todos os equipos; indistintamente dos obxectivos de cada un, conten cada partido como finais; e que o principal é sumar partidos por vitorias.

Cada equipo ca súa peculiar casuística, na pretemporada, terá que adaptarse rapidamente ao ritmo da competición. Nesta primeira xornada, a concentración á hora de saír ao partido é fundamental; xa que as ganas e a necesidade social de que o deporte, en especial, o balonmán retome a súa actividade, tanto para afeccionados como para xogadores, fai que desde o quecemento a xornada realícese cunha emoción poucas veces vivida por todos.

O Calvo Xiria, conta con todos os seus efectivos para este partido, polo que o adestrador Adrián Dubra dará a convocatoria no último adestramento da semana. O Calvo, espera estar a un bo nivel físico que lle permita encarrilar o partido con máximas garantías, e ir aos poucos axustando e coordinando cada fase do xogo.