Varios dos rapaces das categorías inferiores das Escolas Balonmán Xiria estarán esta ponte de decembro polas terras do Salnés concenctrados coa Preselección Galega de Balonmán correspondente, desputando o Torneo da Deputación de Pontevedra mentres preparan o inminente Campionato de España do mes de Xaneiro.
O xuvenil Andrés Vila do Laber Xiria, que estará de novo baixo as ordes de Adrián Dubra, segundo adestrador desta categoría, iniciará a concentración o mércores día 6 de decembro ás 11:15 horas nas instalacións do Pavillón de Coirón de Dena e finalizará o sábado día 9 ás 14:00 nas mesmas instalacións.
Os xogadores do Grupo Lemaco Xiria Mario Cancela e Alejandro Gómez adestrarán coa Preselección Galega Cadete dende o mércores día 6 de decembro ás 12:45 horas nas instalacións do Pavillón Príncipe Felipe de Pontevedra) e finalizarán o sábado día 9 ás 14:00 nas instalacións do Pavillón de Coirón de Dena.
Por último, os infantís Martín Fuentes, Julián García e Esteban Puñal están chamados coa súa Preselección Galega para o mércores día 6 de decembro ás 10:00 horas nas instalacións do Pavillón Príncipe Felipe de Pontevedra e finalizarán o sábado día 9 ás 14:00 nas instalacións do Pavillón de Coirón de Dena.