O Grupo Lemaco Xiria cede en Vigo ante o Academia Octavio

Academia Octavio 35   –  Grupo Lemaco Xiria 30  (18-11)

Volveron a amosarse as carencias do equipo fora da casa, onde sae cun enorme complexo de inferioridade ante o seus rivais, moi estático na defensa e falto de ritmo en ataque. As perdas de balón, polo exceso de accións individuais propician contras para que os contrarios se vaian no marcador. Debe madurar o equipo, sabendo reaccionar a situacións adversas como disputar o encontro lonxe de Carballo ou sufrir arbitrases, todo hai que dicilo, como o desta semana en Vigo, onde se veu prexudicado claramente.

So logrou xogar a tiróns o equipo carballés, falto de continuidade nos seus ataques, onde predominaban as xogadas individuais que facilitaban ao Octavio asentarse nun profundo 5:1 con presión ao central e aos extremos na recepción do balón, as trabas de circulación de balón con levaban pases arriscados e as súas consecuentes perdas de posesión do balón, que aproveitaban os rivais para marcar a contra e distanciarse no marcador ao final dos primeiros trinta minutos cun 18 a 11.

As urxencias tampouco son boas compañeiras de viaxe, e apareceron a longo do encontro e especialmente na segunda metade, onde o Grupo Lemaco seguíao a intentar cunha melloría manifesta tanto en ataque como en defensa, pero continuaba a regalar opcións de contra ao seu rival, que era capaz de manter o colchón no marcador. Cinco goles de desvantaxe no marcador ante un rival que soubo levar mellor o tempo do encontro e sobre todo aproveitar as debilidades do Xiria

Academia Octavio 35   : Alonso Temesguen e Maximiliano Bustamante (porteiros), Bruno Cela 8, Gonzalo Touza 9, Javier Molinos , Fernández Castiñeira 2, Javier Hernandez 3, Miguel Quinteiro 1, David Figueirido 2, César Vázquez 4, Martín Rial 5 e Carlos Novoa 1.

Grupo Lemaco Xiria 27  : Diego Lema e Julio Ferreiro (porteiros), Pedro Pereira 6 , Iker Martínez 1, Alex Gómez 8, Adrián Mesejo, Iago Rincón 3, Andrés Urbieta 2, Xurxo Díaz,  Renzo Díaz 2, Mario Rincón, Brais Vila 7, Franco Rial 1, Aljenadro Sueiro e Manuel Varela,

Arbitraron: Pedro Erias e Andrea Argibay, moi protestados polo Grupo Lemaco. Excluíiron  a Fernández Castiñeira e a Miguel Quinteiro polo Lalín e a Andrés Urbieta e Pedro Pereira polo Grupo Lemaco

Na vindeira semana o Grupo Lemaco Xiria volta a viaxar para enfrontarse ao Chapela