O Calvo Xiria saíu a competir ao Vila de Noia, tivo que axustarse defensivamente polas baixas, o que outorgou de certa irregularidade ao sistema; pero o esforzo realizado polos xogadores mínimizou este feito; e en ataque posicional foi de menos a máis, tivo ocasións para gañar o encontro pero atopouse cun Santana que mostrou o seu mellor nivel; e permitiu aos seus levar un encontro cómodo.

Nos primeiros minutos, intercambio de golpes entre ambos conxuntos que mantiña a igualada. O Calvo Xiria variaba a súa rotación xa que só dispuxo dun pivote específico. Os xogadores axustáronse ben ao que se pedía. Custoulles arrincar no ataque posicional; frustados polas primeiras intervencións de Santana; o que permitiu ao Lanzarote tomar vantaxe. Pasados 15 minutos a diferenza íase ata os 7 goles, pero o Calvo Xiria, estaba asentado no encontro e melloraba o seu xogo. Pero xa fóra desde 6,7 ou 9 metros case sempre aparecía a figura de Santana para parar calquera indicio de reacción local. A bancada empuxaba e o Calvo Xiria íase ao descanso perdendo 9 a 15.

A segunda metade, o Calvo Xiria non quería perderlle a cara ao partido, loitou con todo o que tiña e os xogadores deixáronse a pel por conseguir un resultado mellor; pero o continuo desacerto no lanzamento foi o obstáculo máis difícil de superar na tarde do sábado.

O Calvo Xiria debe mirar ao presente e pensar no seguinte partido, para seguir mellorando e poder estar o máis arriba posible.

Calvo Xiria 23 – Balonmano San José Obrero Lanzarote 30

Calvo Xiria (9+14): Antonio Mato (p), Darío Calviño (p), Julián García (2), Gabriel Castiñeiras, Hugo Rodríguez (4), Carlos Guisasola (2), Diego Vega (1), Diego Antelo (2), Manuel Méndez (3), Jorge Bouzas (4), Carlos Varela, Mario Cancela (3), David García (2).

Balonmano San José Obrero Lanzarote (15+15): Javier Santana (p), Roberto Molina (p), Rafael Robayna, Joel Peraza, Alberto Roldán (4), Joel Armas (1), Acoidan Martín (4), Rubén Caraballo (3), Roc Segarra, Carmelo Álvarez (2), Óscar Silva (6), Álexis Rodríguez (3), Adrián Ruíz (5), Anderson Caycedo, Miguel Laguna (2).

Marcador cada 5 minutos: 2-2, 2-5, 4-8, 5-12, 7-13, 9-15 (descanso); 11-18, 11-20, 15-23, 17-25, 19-29, 23-30.

Árbitros: Daniel Álvarez e Luis Medio.

Incidencias: Partido correspondente a 19ª jornada do Grupo A da Primeira Nacional, disputado no pavillón Vila de Noia (Carballo).