Laber Xiria 34 – AD Carballal 28 (18-14)

Soubo sacar adiante o partido o Xiria diante dun Carballal que viña a Carballo con baixas, algo que acusou nos derradeiros minutos de cada parte.

Os vigueses mantivéronse no encontro mentres lle aguantaron as forzas e puideron frear o ímpeto dos locais. A defensa 6:0 do Laber moi desaxustada nos primeiros minutos permitía ao rival chegar en cómodas posicións de lanzamento coas penetracións e cos pases interiores a pivote. Resolvía e mantiña ao Xiria no partido a eficacia e solvencia no ataque, especialmente nos dez derradeiros minutos da primeira metade onde a diferenza íase a 4 goles cun 18 a 14.

Na volta de vestiarios o Carballal intentouno trocando a defensa a un 3:3 moi adiantado que tras uns momentos de axuste os locais souberon ler perfectamente, conseguindo chegar diante do porteiro con facilidade.

Este sábado o Laber Xiria volta a ter xornada, recibe a SD Teucro, no Vila de Noia a partir das 10:30 horas

Laber Xiria 34 (18): Julio Ferreiro e Pedro Pena (porteiros) Iker Martínez 2, Alex Gómez 13, Fernando Mallo, Diego Antelo 1, Franco Rial 2, Ivan Hernández, Andrés Urbieta 1, Renzo Díaz, Brais Vila 2, Mario Cancela 4, Manuel Varela 4, Aaron Rodríguez 2 e Dani Mallo 3.
A.D. Carballal 28 (14): Iago Suárez (porteiro), Brais Cabaleiro, Pedro Fernández , Lois Castro 3, Nano Costas 2, Lucas Castro 4, Roi Gallego 4, Alejandro López 2, Iago Costas 5, Mario González 5, e Anxo Fontán 3.
Marcador cada 5 minutos: 2-3/ 6-6/ 8-7/ 9-8/ 14-13/ 18-14/ 21-17/ 24-20/ 27-24/ 30-27/ 34-28/ 36-19
Arbitraron Henrique Folgoso e Gabriel Folgoso, sen complicacións